«Real» bosh murabbiyi Karlo Anchelotti yangi mavsumda jamoaning an’anaviy 4-3-3 taktik sxemasidan voz kechib, yangi uslubga o‘tishi mumkin.
100 million yevrodan qimmatroqqa xarid qilingan Orelyen Tchuameni tufayli murabbiy 4-4-2 sxemasiga o‘tishi mumkin. Keyingi mavsumda "Madrid"ning boshlang‘ich tarkibi quyidagi ko‘rinishda bo‘lishi kutilmoqda:
Darvozabon — Kurtua;
Himoyachilar — Karvaxal, Ryudiger, Militao, Alaba;
Yarim himoyachilar — Valverde, Chuameni, Modrich, Kamavinga;
Hujumchilar — Benzema, Vinisius.
Yarim himoya chizig‘i biroz o‘zgacha bo‘lishi ham mumkin. Chunki tarkibda Kazemiro va Toni Kroos ham bor. Kazemiro kelasi mavsumda 31 yoshga to‘lsa, germaniyalik futbolchi jamoa bilan shartnoma uzaytirishni istamayapti.
Eduardo Kamavinga faoliyati davomida bir necha marta chap qanot yarim himoyasida o‘ynagan, ammo ehtiyoj tug‘ilsa, bu pozisiyada Luka Modrich ham o‘ynashi mumkin.
