«Реал» бош мураббийи Карло Анчелотти янги мавсумда жамоанинг анъанавий 4-3-3 тактик схемасидан воз кечиб, янги услубга ўтиши мумкин.

100 миллион евродан қимматроққа харид қилинган Орельен Тчуамени туфайли мураббий 4-4-2 схемасига ўтиши мумкин. Кейинги мавсумда "Мадрид"нинг бошланғич таркиби қуйидаги кўринишда бўлиши кутилмоқда:

Дарвозабон — Куртуа;

Ҳимоячилар — Карвахаль, Рюдигер, Милитао, Алаба;

Ярим ҳимоячилар — Вальверде, Чуамени, Модрич, Камавинга;

Ҳужумчилар — Бензема, Винисиус.

Ярим ҳимоя чизиғи бироз ўзгача бўлиши ҳам мумкин. Чунки таркибда Каземиро ва Тони Кроос ҳам бор. Каземиро келаси мавсумда 31 ёшга тўлса, германиялик футболчи жамоа билан шартнома узайтиришни истамаяпти.

Эдуардо Камавинга фаолияти давомида бир неча марта чап қанот ярим ҳимоясида ўйнаган, аммо эҳтиёж туғилса, бу позицияда Лука Модрич ҳам ўйнаши мумкин.