"Liverpul"ning senegallik futbolchisi Sadio Mane rasman "Bavariya"ga o‘tdi.
Senegal terma jamoasining 30 yoshli hujumkor yarim himoyachisi myunxenliklar klubi bilan 2025 yilning yoziga qadar shartnoma imzoladi.
Avvalroq "Bavariya" Mane uchun 32 million yevro to‘lashi, yana 9 millioni bonuslar ko‘rinishida taqdim etilgani ma’lum bo‘lgandi. Qayd etilishicha, nemislar futbolchiga yiliga soliqlardan oldin taxminan 20 million yevro to‘lashga tayyor, “Liverpul”da u 12 million yevro olgan.
Sadio "Liverpul"da 2016 yildan beri o‘ynab kelayotgandi. Bu vaqt ichida vinger Chempionlar ligasi va Premyer-liga chempionligini qo‘shib hisoblaganda 6 ta sovrinni qo‘lga kiritdi.
30 yoshli futbolchi o‘tgan mavsumda ingliz klubi safida barcha turnirlar doirasida 50ta o‘yinda maydonga tushib, 23ta gol urdi va 2ta golga assistentlik qildi.
