"Ливерпул"нинг сенегаллик футболчиси Садио Мане расман "Бавария"га ўтди.
Сенегал терма жамоасининг 30 ёшли ҳужумкор ярим ҳимоячиси мюнхенликлар клуби билан 2025 йилнинг ёзига қадар шартнома имзолади.
Аввалроқ "Бавария" Мане учун 32 миллион евро тўлаши, яна 9 миллиони бонуслар кўринишида тақдим этилгани маълум бўлганди. Қайд этилишича, немислар футболчига йилига солиқлардан олдин тахминан 20 миллион евро тўлашга тайёр, “Ливерпул”да у 12 миллион евро олган.
Садио "Ливерпул"да 2016 йилдан бери ўйнаб келаётганди. Бу вақт ичида вингер Чемпионлар лигаси ва Премьер-лига чемпионлигини қўшиб ҳисоблаганда 6 та совринни қўлга киритди.
30 ёшли футболчи ўтган мавсумда инглиз клуби сафида барча турнирлар доирасида 50та ўйинда майдонга тушиб, 23та гол урди ва 2та голга ассистентлик қилди.
