Futbolda hamma narsa bo‘ladi degan gap rost bo‘lsa kerak. Agar ishonmasangiz quyidagi g‘alati holatlarga e’tibor qarating.

Fernando Redondo

Sobiq «Real» hamda «Milan» yarim himoyachisi bo‘lgan Fernando Redondo 1998 yilda g‘alati sababga ko‘ra Argentina bilan Jahon chempionatiga bora olmay qoladi. O‘sha paytdagi Argentina ustozi Daniel Passarelya o‘z jamoasida bir jinsli yoki uzun soch bilan sirg‘a taqadigan o‘yinchilarni ko‘rishni istamaydi. Keyinchalik Redondo bu voqeani shunday eslaydi: «Men o‘shanda yaxshi formada edim. Ammo Passarelya g‘alati qoidalari bilan meni jamoaga kiritmadi. Agar kirishni xohlasam, sochimni oldirib tashlashimni aytdi. Men bunday qilishga hech qanday sabab ko‘rmadim va rad javobini berdim».

Juzeppe Reyna

Futbolchi biror jamoaga o‘tayotganda shartlar aniq qilib kelishib olinadi. Ammo u shart g‘alati bo‘lishi ham mumkin. Masalan, nemis hujumchisi Juzeppe Reyna 1996 yilda «Arminiya» safiga o‘tayotgan paytda klubdan har yili o‘ziga yangi uy qurib berishni so‘raydi. Klub esa bunga ko‘nadi. Ammo Reyna o‘z shartini aytganda klub rahbariga uyning hajmi haqida ma’lumot bermaydi. Shu sabab «Arminiya» futbolchiga uch yil davomida Lego o‘yinchog‘idan uy yasab beradi.

Keysuke Xonda

Yapon afsonasi Honda 2020 yilning yanvarida Braziliyaning «Botafogo» kluboga o‘tadi. Ammo Braziliyaning eng jinoyat urchigan shahri bo‘lmish Rio de Janeyroga ko‘chish Hondada qo‘rquv uyg‘otadi. Shu sabab u o‘zi bitim tuzgan klubidan shartnomaga qurol olib berish shartini ham qo‘shishni talab qiladi. Eng qizig‘i, «Botafogo» bunga rozi bo‘ladi. Ammo Honda Janubiy Amerikada ko‘p qolmadi. 35 yoshli futbolchi ayni damda Litva chempionatida to‘p tepmoqda.

Levandovski

«Borussiya Dortmund» hujumchisi erkin agentga aylanibdi degan gapni eshitgan «Real» hamda «Bavariya» Levandovskiga taklif kiritadi. Polshalik uchun «Bavariya»dan ko‘ra, «Real» katta pul va’da qilgan edi. Unda haftasiga 160 ming funt maosh hamda 10 million funt bonus bor bo‘lgan. Biroq shunga qaramay, Levandovski «Bavariya»ni tanlaydi.

Messi

2021 yilga qaytib, dunyodagi eng kutilmagan va mega transferga guvoh bo‘lamiz. Lionel Messi dunyoni hayratga solib, o‘z sevimli jamoasi bo‘lmish «Barselona»dan «PSJ» safiga yo‘l olgandi. Hech kim o‘ylamagan holda bu narsa sodir bo‘ladi. Messining «PSJ» bilan tuzgan shartnomasida qiziq shartlar mavjud edi. Xususan, unda futbolchining katalon tilida qanday gaplashishi, yangi hayotga qanchalik tez moshlashishi, doping bilan bog‘liq jihatlari bormi yoki yo‘q kabi bandlar bo‘lgan. Shunday bo‘lsada u Parijga ko‘chadi.

Ismatov J.