O‘zPFL rahbari Diyor Imomxo‘jayev professional futbolchilar va ularning agentlariga murojaat qildi.

"Agar siz yozgi transfer oynasida o‘z klubingiz bilan amaldagi shartnomani bekor qilib, boshqa klub safiga qo‘shilmoqchi bo‘lsangiz, biz sizga shoshmaslikni maslahat beramiz. Zero, O‘zPFL qarzdorligi mavjud futbol klublarining yangi futbolchilariga lisenziya taqdim etmaydi. Bu esa kamida yarim mavsum rasmiy o‘yinlarda ishtirok eta olmasligingizni bildiradi.

Shundan kelib chiqib, amaldagi shartnomangizni hurmat qiling. Ketish zarurati vujudga kelayotgan bo‘lsa, Futbolchilar uyushmasi yoki O‘zPFL orqali yangi klubingiz haqida ma’lumot olishingiz mumkin. Biz bu orqali o‘z haqini vaqtida ololmayotgan futbolchilar, murabbiylar va futbol klublarini himoya qilishga harakat qilmoqdamiz. Har qanday klub avval qarzlarini bartaraf etishi va shundan keyin yangi xarid hamda kelishuvlarga qo‘l urishi shart", — deya yozdi D.Imomxo‘jayev telegramdagi kanali orqali.