O‘tgan mavsumni "Malyorka" tarkibida ijarada o‘tkazgan "Real Madrid" yarim himoyachisi Takefusa Kubo faoliyatini "Real Sosyedad"da davom ettirishi mumkin, deya xabar berdi Marca.
Manbaga ko‘ra, "Sosyedad" rahbariyati 21 yoshli yaponiyalikni bir mavsumga ijaraga olish borasida "qirollik klubi" bilan muzokaralar olib bormoqda.
Kuboning "Real" bilan amaldagi shartnomasi 2024 yilda yakuniga yetadi. U ortda qolgan mavsumda "Malyorka" safida 30 ta o‘yinda 2 ta gol urib, 3 ta golli uzatma amalga oshirdi.