Ўтган мавсумни "Мальорка" таркибида ижарада ўтказган "Реал Мадрид" ярим ҳимоячиси Такефуса Кубо фаолиятини "Реал Сосьедад"да давом эттириши мумкин, дея хабар берди Marca.
Манбага кўра, "Сосьедад" раҳбарияти 21 ёшли японияликни бир мавсумга ижарага олиш борасида "қироллик клуби" билан музокаралар олиб бормоқда.
Кубонинг "Реал" билан амалдаги шартномаси 2024 йилда якунига етади. У ортда қолган мавсумда "Мальорка" сафида 30 та ўйинда 2 та гол уриб, 3 та голли узатма амалга оширди.