"Arsenal" himoyachisi Pablo Mari faoliyatini Italiyada davom ettirishi mumkin, deya xabar beradi jurnalist Janluka Di Marsio.
Manbaga ko‘ra, 28 yoshli ispaniyalik futbolchiga "Verona" da’vo qilmoqda. Bosh murabbiy Gabriele Chioffi himoyachini "Udineze"dagi faoliyatidan biladi.
Mari 2022 yilning yanvarida "Arsenal"dan "Udineze"ga ijaraga berilgandi. Himoyachi o‘tgan mavsum A Seriyada 15 ta o‘yinda maydonga tushib, 2 ta gol urishga muvaffaq bo‘ldi. Mari "Arsenal" safida ham 3 ta o‘yin o‘tkazgan.