"Chelsi" "Yuventus" markaziy himoyachisi Matteys de Ligtga qiziqish bildirmoqda, deya xabar beradi Sky Italia.
22 yoshli niderlandiyalik himoyachining shartnomasida tovon puli 120 million yevroni tashkil etadi. Kelishuv 2024-yilda tugaydi va bu sana yaqinlashar ekan, “Yuventus” ehtimoliy kelishuvga tobora ko‘proq qiziqish bildirmoqda.
Antonio Ryudiger va Andreas Kristensen shartnomalari yakunlanganidan so‘ng jamoani tark etgani uchun "Chelsi" himoya chizig‘ida ishonchli futbolchilarni qidirishda davom etmoqda.













