"Manchester Siti"ning braziliyalik hujumchisi Gabriel Jezus "Tottenxem"ga o‘tishdan bosh tortdi, deb xabar beradi Goal.com.
Manbaga ko‘ra, futbolchi uchun "Arsenal"ga o‘tish ustuvor vazifa, chunki u avvalroq "shaharliklar" murabbiylar shtabida bo‘lgan "kanonirlar" bosh murabbiyi Mikel Arteta bilan qaytadan uchrashishga umid qilmoqda.
25 yoshli Jezus o‘tgan mavsumda "Manchester Siti" safida barcha turnirlar doirasida 41 ta o‘yinda maydonga tushib, 13 ta gol urdi va 12 ta golga assistentlik qildi. Uning klub bilan shartnomasi 2023 yilning yoziga qadar mo‘ljallangan.
