Niderlandiya yarim himoyachi Jorjinyo Veynaldum "PSJ"ni tark etmoqchi. 90min nashri xabariga ko‘ra, yarim himoyachi parijliklar jamoasidagi rolidan mamnun emas. Fransiya grandi Jorjinyodan rotasiya o‘yinchisi sifatida foydalanishadi, garchi bungacha u Angliya chempionatining eng yaxshi yarim himoyachilaridan biri bo‘lgan bo‘lsa ham.
Veynaldum Tumanli Albionga qaytish haqida o‘ylamoqda, u yerda unga bir vaqtning o‘zida bir nechta klublar qiziqish bildirmoqda. “Lester”, “Vest Xem”, “Vulverxempton” va “Everton” niderlandiyalik futbolchini sotib olishga tayyor.
Futbolchining "PSJ" bilan amaldagi shartnomasi 2024 yilning o‘rtalariga qadar tuzilgan.