Taniqli insayder Fabrisio Romanoning so‘zlariga ko‘ra, “Chelsi” hujumchi Rahim Sterling uchun “Manchester Siti”ga yangi taklif bilan chiqdi.
Manbaning xabariga ko‘ra, London jamoasi bosh murabbiyi Tomas Tuxel rahbariyatdan ushbu transferni hal qilishni talab qilmoqda. Tomonlar shartnomaning shaxsiy shartlarini allaqachon muhokama qilishgan. “Siti” bilan muzokaralarni yaqinda klubni tark etgan Marina Granovskaya olib borgan.
Qayd etish mumkin, 27 yoshli Sterling “Man Siti”ga 2015 yilda “Liverpul”dan kelib qo‘shilgan va “shaharliklar” safida 339 o‘yinda maydonga tushib, 131 gol va 95 golli uzatmani o‘z hisobiga yozdirib qo‘ygan.
