Таниқли инсайдер Фабрицио Романонинг сўзларига кўра, “Челси” ҳужумчи Раҳим Стерлинг учун “Манчестер Сити”га янги таклиф билан чиқди.
Манбанинг хабарига кўра, Лондон жамоаси бош мураббийи Томас Тухель раҳбариятдан ушбу трансферни ҳал қилишни талаб қилмоқда. Томонлар шартноманинг шахсий шартларини аллақачон муҳокама қилишган. “Сити” билан музокараларни яқинда клубни тарк этган Марина Грановская олиб борган.
Қайд этиш мумкин, 27 ёшли Стерлинг “Ман Сити”га 2015 йилда “Ливерпуль”дан келиб қўшилган ва “шаҳарликлар” сафида 339 ўйинда майдонга тушиб, 131 гол ва 95 голли узатмани ўз ҳисобига ёздириб қўйган.
