"Chelsi" "Lids"ning braziliyalik qanot hujumchisi Rafinya Diasga navbatdagi da’vogarga aylandi, deb xabar beradi Marca.
Manbaning xabariga ko‘ra, London klubi allaqachon futbolchini transfer qilish bo‘yicha taklif bilan chiqqan. Shu bilan birga, braziliyalik futbolchi "Barselona"ga o‘tishga umid qilmoqda. "Lids" futbolchini 75 million yevroga baholamoqda. Vingerga "Arsenal" ham qiziqish bildirmoqda.
25 yoshli Rafinya o‘tgan mavsumda "Lids" safida barcha turnirlarda 36 ta o‘yinda maydonga tushib, 11 ta gol urdi va 3 ta golga assistentlik qildi. Uning klub bilan shartnomasi 2024 yilning yoziga qadar mo‘ljallangan.