"Челси" "Лидс"нинг бразилиялик қанот ҳужумчиси Рафинья Диасга навбатдаги даъвогарга айланди, деб хабар беради Marca.
Манбанинг хабарига кўра, Лондон клуби аллақачон футболчини трансфер қилиш бўйича таклиф билан чиққан. Шу билан бирга, бразилиялик футболчи "Барселона"га ўтишга умид қилмоқда. "Лидс" футболчини 75 миллион еврога баҳоламоқда. Вингерга "Арсенал" ҳам қизиқиш билдирмоқда.
25 ёшли Рафинья ўтган мавсумда "Лидс" сафида барча турнирларда 36 та ўйинда майдонга тушиб, 11 та гол урди ва 3 та голга ассистентлик қилди. Унинг клуб билан шартномаси 2024 йилнинг ёзига қадар мўлжалланган.
