"Budyo-Glimt" hujumchisi Ola Solbakken "Napoli"ga o‘tishi mumkin.

II Mattino xabariga ko‘ra, "Napoli" norvegiyalik futbolchi bilan shartnomani imzolashga yaqin turibdi. Qolaversa, futbolchiga “Roma” ham qiziqish bildirgan, biroq neapolliklar allaqachon rasmiy taklif bilan chiqishgan va Solbakkenning javobini kutishmoqda.

O‘tgan mavsumda hujumchi "Budyo-Glimt" safida barcha musobaqalarni hisobga olgan holda 20 ta o‘yinda 8 ta gol urdi va 5 ta golli uzatmani amalga oshirdi. Futbolchining klub bilan shartnomasi yil oxirigacha hisoblangan. Transfermarkt portali ma’lumotlariga ko‘ra, 23 yoshli Solbakkenning narxi ikki million yevroga teng.