"Будё-Глимт" ҳужумчиси Ола Сольбаккен "Наполи"га ўтиши мумкин.
II Mattino хабарига кўра, "Наполи" норвегиялик футболчи билан шартномани имзолашга яқин турибди. Қолаверса, футболчига “Рома” ҳам қизиқиш билдирган, бироқ неаполликлар аллақачон расмий таклиф билан чиқишган ва Сольбаккеннинг жавобини кутишмоқда.
Ўтган мавсумда ҳужумчи "Будё-Глимт" сафида барча мусобақаларни ҳисобга олган ҳолда 20 та ўйинда 8 та гол урди ва 5 та голли узатмани амалга оширди. Футболчининг клуб билан шартномаси йил охиригача ҳисобланган. Transfermarkt портали маълумотларига кўра, 23 ёшли Сольбаккеннинг нархи икки миллион еврога тенг.