Turinning “Yuventus” klubi niderlandiyalik himoyachi Matteys de Ligtga o‘rinbosar qidirishni boshladi va ikkita variantni ko‘rib chiqmoqda, deb yozadi jurnalist Nikolo Skira o‘zining Twitter'dagi sahifasida.
Manbaning xabariga ko‘ra, Italiya klubi senegallik “Napoli” himoyachisi Kalid Kulibali va "Arsenal"ning braziliyalik himoyachi Gabriel Magaliesga qiziqish bildirmoqda.
Avvalroq "Manchester Yunayted" va "Chelsi" De Ligtni nishonga olgani, "Yuventus" futbolchini 100 million yevroga baholagani haqida xabar bergan edi.
22 yoshli De Ligt o‘tgan mavsumda "Yuventus" safida barcha turnirlarda 42 ta o‘yinda maydonga tushib, 3 ta gol urdi va bitta golli uzatmani amalga oshirdi. 31 yoshli Kulibali “Napoli” safida 34 ta o‘yinda maydonga tushib, 3 ta gol va 3 ta golli uzatmaga mualliflik qilgan. 24 yoshli Gabriel 39 ta o‘yin o‘tkazib, 5 ta gol urgan.
