“Barselona”ning niderlandiyalik yarim himoyachisi Frenki de Yong “Manchester Yunayted”ga o‘tishga tayyor, deb xabar beradi Sky Sports.

Manbaning xabariga ko‘ra, futbolchi Angliya klubi bosh murabbiyi Erik ten Xag bilan qayta ishlamoqchi, Frenki uning qo‘l ostida “Ayaks”da ishlagan. Transfer summasi 80 million yevroni tashkil qilishi kutilmoqda.

25 yoshli De Yong o‘tgan mavsumda “Barselona” safida barcha turnirlarda 46 ta o‘yinda maydonga tushib, 4 ta gol urdi va 5 ta golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.