“Барселона”нинг нидерландиялик ярим ҳимоячиси Френки де Йонг “Манчестер Юнайтед”га ўтишга тайёр, деб хабар беради Sky Sports.
Манбанинг хабарига кўра, футболчи Англия клуби бош мураббийи Эрик тен Хаг билан қайта ишламоқчи, Френки унинг қўл остида “Аякс”да ишлаган. Трансфер суммаси 80 миллион еврони ташкил қилиши кутилмоқда.
25 ёшли Де Йонг ўтган мавсумда “Барселона” сафида барча турнирларда 46 та ўйинда майдонга тушиб, 4 та гол урди ва 5 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.
