Superliganing 13-tur o‘yinida “Sherlar” Toshkent derbisida “Bunyodkor” ni o‘z maydonida qabul qiladi.
“Bunyodkor” bilan kechadigan baxslar xamisha keskin to‘qnashuvlarga boy tarzda o‘tadi. Hozirgacha o‘tkazilgan 32 bellashuvning 12tasida "Sherlar" g‘olib bo‘lishgan. 9ta bahsda durang va 11 tasida raqib g‘alabasi kuzatilgan. Jamoamiz 41 to‘p kiritib, 36 gol o‘tkazib yuborgan. Jamoalar o‘rtasidagi eng yirik natija 2020 yilning birinchi davrasida kuzatilib, unda "Paxtakor" 5:0 hisobida yutuqqa erishgan. "Paxtakor" uy uchrashuvida shunday muvaffaqiyatga erishgan. O‘z maydonimizdagi bahslarda 8 g‘alaba, 6 durang va 2 mag‘lubiyat qayd etilgan. Gollar urish borasida ustunlik “sherlar”tarafida - 22:9.
Bahsni "Paxtakor"dan diskvalifikasiya sababli Eldor Suyunov va Odil Hamrobekov o‘tkazib yuboradi.
"Paxtakor" va “Bunyodkor”jamoalari o‘rtasidagi o‘yin 29 iyun, chorshanba kuni soat 20:00da "Paxtakor" stadionida boshlanadi.
