"Yuventus" klubi yarim himoyachi Aaron Remsi bilan shartnomani futbolchining shartlariga ko‘ra bekor qilishga rozi bo‘ldi, deb xabar beradi Sky Sports.
Manbaga ko‘ra, Turin klubi 31 yoshli uelslik futbolchiga shartnomani muddatidan oldin bekor qilgani uchun 4 million yevro to‘laydi. Avvalroq futbolchi aynan shunday miqdorni talab qilgani xabar qilingandi.
Remzi 2019 yil iyul oyida “Yuventus”ga o‘tgandi. 2021/22 yilgi mavsumda yarim himoyachi jamoa safida 5 ta o‘yinda qatnashib, gol ura olmagan.
O‘tgan mavsumning ikkinchi yarmida Remsi “Reynjers” safida o‘ynadi va u bilan Yevropa Ligasi finaliga qadar yetib bordi.
