"Manchester Siti" hujumchisi Gabriel Jezus tez orada "Arsenal"ga transferini yakunlaydi.
Sky Sports xabariga ko‘ra, bugun hujumchi London klubida tibbiy ko‘rikdan muvaffaqiyatli o‘tdi. Tez orada transfer haqida rasman e’lon qilinishi kutilmoqda.
Manbaning xabariga ko‘ra, braziliyalik futbolchi 45 million funt sterling evaziga "Arsenal"ga o‘tadi.
"Kanonirlar" allaqachon futbolchining agenti bilan shaxsiy shartnoma shartlarini to‘liq kelishib olishgan. Shartnoma 2027 yilgacha imzolanadi.