"Sassuolo" hujumchisi Janluka Skamakkini qo‘lga kiritish "PSJ"ning yozgi transfer oynasidagi asosiy maqsadi hisoblanadi.

Le Parisen xabariga ko‘ra, parijliklar 23 yoshli futbolchi bilan shartnoma imzolamoqchi. "PSJ" hujumchi uchun "Sassuolo"ga 35 million yevro taklif qildi.

Qayd etilishicha, italyan klubi Skamakkani 50 million yevroga baholamoqda.

Avvalroq "Atletiko" "Sassuolo" hujumchisi uchun kurashga qo‘shilgani haqida xabarlar tarqalgan edi.

2021/22 yilgi mavsumda Skamakka klub safida barcha turnirlarda 38 ta o‘yinda maydonga tushib, 16 ta gol urdi va 1 ta golga assistentlik qildi. Hujumchining “Sassuolo” bilan shartnomasi 2026 yilda yakuniga yetadi.