"PSJ"ning sobiq yarim himoyachisi, hozirda erkin agent bo‘lgan Anxel di Mariya Turinning "Yuventus" klubiga o‘tadi. Bu haqda insayder Janluka di Marsio ijtimoiy tarmoqlar orqali ma’lum qildi.
Jurnalistga ma’lum bo‘lishicha, "keksa sinyora" kelasi hafta yangi futbolchini rasman tanishtiradi. Tomonlar 7,5 million yevro maosh bilan bir yillik shartnoma imzolashga kelishib olishgan.
Anxel 2015 yildan beri "PSJ" safida to‘p suradi. O‘tgan mavsumda argentinalik futbolchi Liga 1da 26 ta o‘yin o‘tkazib, 5 ta gol urgan va 7 ta golli uzatmani amalga oshirgan.