Angliyaning «Chelsi» klubi bosh murabbiyi Tomas Tuxel va London jamoasidan «Inter»ga qaytgan hujumchi Romelu Lukaku o‘rtasida mojarolar yuzaga kelgani ma’lum bo‘ldi.

Mahalliy insayderlarning ma’lum qilishicha, Lukaku jarohat olganidan keyin unga nisbatan murabbiyning munosabati ancha yomonlashib qolgan. O‘sha paytda Romelu o‘yin amaliyotiga ega bo‘lib, gol urayotgan yaxshi formada bo‘lgan, biroq shunga qaramay Tuxel unga yaxshi munosabatda bo‘lmagan.

O‘sha paytda «Chelsi»ni tanqid qilish va «Inter» haqida iliq fikrlar bildirishga majbur bo‘lgan Lukaku va londonlik muxlislar o‘rtasidagi munosabatlar ham buziladi.

Bundan tashqari, Lukaku Tuxel bilan Premyer-liga doirasida «Tottenxem» ishtirokidagi o‘yinni tomosha qilishgan va Tomas «shporlar» ustozi Antonio Konteni ishora qilib, Lukakuga kinoya qilgan: “Ana sening dadang”. Bu esa Romeluga yoqmagan ketish istagini yanada oshirib yuborgan.

Eslatib o‘tamiz, Lukaku va Konte «Inter»da birga faoliyat olib borgan edi. Belgiyalik forvard italiyalik mutaxassis qo‘l ostida eng yaxshi mavsumlaridan birini o‘tkazib, A Seriya chempioniga aylangandi.