"PSJ" himoyachisi Presnel Kimpembe yozgi transfer oynasida jamoani tark etishi mumkin. Jurnalist Santi Aunning yozishicha, parijliklarning yangi sport direktori Luis Kampos futbolchi bilan xayrlashishga tayyor.
Parij klubi Fransiya terma jamoasi futbolchisi uchun kamida 50 million yevro olmoqchi. Muzokaralar hali boshlanmagan.
Avvalroq, "Yuventus" 26 yoshli fransiyalik futbolchiga qiziqish bildirayotgani, uni Matteys de Ligtga o‘rinbosar sifatida ko‘rayotgani xabar qilingandi.
O‘tgan mavsumda Kimpembe barcha musobaqalarda 41ta o‘yinda maydonga tushib, 2ta gol urgan.
