"ПСЖ" ҳимоячиси Преснел Кимпембе ёзги трансфер ойнасида жамоани тарк этиши мумкин. Журналист Санти Ауннинг ёзишича, парижликларнинг янги спорт директори Луис Кампос футболчи билан хайрлашишга тайёр.
Париж клуби Франция терма жамоаси футболчиси учун камида 50 миллион евро олмоқчи. Музокаралар ҳали бошланмаган.
Аввалроқ, "Ювентус" 26 ёшли франциялик футболчига қизиқиш билдираётгани, уни Маттейс де Лигтга ўринбосар сифатида кўраётгани хабар қилинганди.
Ўтган мавсумда Кимпембе барча мусобақаларда 41та ўйинда майдонга тушиб, 2та гол урган.
