PSV klubi hujumchi Lyuk de Yongni sotib olishga yaqin turibdi. 31 yoshli niderlandiyalik futbolchi "Barselona"dan ketganidan so‘ng erkin agentga aylandi.
Eyndxoven klubining Twitter'dagi xabariga ko‘ra, hujumchi jamoa joylashgan joyga 1 iyul kuni yetib kelgan va tibbiy ko‘rikdan o‘tgan.
De Yong o‘tgan mavsumda "Barselona" safida barcha turnirlarda 29 ta o‘yinda maydonga tushib, 7 ta gol urdi va 1 ta golli uzatmani amalga oshirdi.