Madridning “Atletiko” klubi “PSJ” himoyachisi Presnel Kimpembeni sotib olmoqchi. Bu haqda AS xabar bermoqda.
"PSJ", avval xabar qilinganidek, Kimpembeni sotishga tayyor. Parijliklar Milan Shkrinyarni "Inter"dan transfer qilishlari mumkinligiga qarab, yaqin haftalarda qaror qabul qilinishi mumkin.
Avvalroq, Kimpembaga "Yuventus" qiziqish bildirayotgani haqida xabar berilgandi.
O‘tgan mavsumda 26 yoshli himoyachi barcha turnirlarda 41ta o‘yinda maydonga tushib, 2ta gol urgan. Uning "PSJ" bilan shartnomasi 2024 yilning yoziga qadar mo‘ljallangan.