“Vilyarreal” hujumchisi Arno Danjuma “Vest Xem” qiziqishlari doirasida. Ispan klubi futbolchini sotishga tayyor, biroq futbolchining o‘zi London klubiga o‘tishni istamayapti, deya xabar beradi jurnalist Fabrisio Romano.
Futbolchining tovon puli 40 million funtni tashkil qiladi. Avvalroq, futbolchiga "Manchester Yunayted" va "Liverpul" klublari qiziqish bildirayotgani haqida ma’lumotlar paydo bo‘lgandi.
Danjuma o‘tgan mavsumda barcha musobaqalarda 34 ta o‘yinda 16 ta gol urdi va 4 ta golli uzatmani amalga oshirdi.
Futbolchining ispan klubi bilan shartnomasi 2026 yilda yakuniga yetadi.
