“Вильярреал” ҳужумчиси Арно Данжума “Вест Хэм” қизиқишлари доирасида. Испан клуби футболчини сотишга тайёр, бироқ футболчининг ўзи Лондон клубига ўтишни истамаяпти, дея хабар беради журналист Фабрицио Романо.
Футболчининг товон пули 40 миллион фунтни ташкил қилади. Аввалроқ, футболчига "Манчестер Юнайтед" ва "Ливерпуль" клублари қизиқиш билдираётгани ҳақида маълумотлар пайдо бўлганди.
Данжума ўтган мавсумда барча мусобақаларда 34 та ўйинда 16 та гол урди ва 4 та голли узатмани амалга оширди.
Футболчининг испан клуби билан шартномаси 2026 йилда якунига етади.
