"Lasio" himoyachi Alessio Romanyoliga yangi shartnoma taklif qildi. Insayder Nikolo Skiraning so‘zlariga ko‘ra, Rim klubi o‘zining dastlabki taklifini yaxshilagan.

"Burgutlar" endi Romanyoliga 2027 yilgacha shartnoma taklif qilmoqda. 27 yoshli futbolchining maoshi mavsumda 3,5 million yevroni tashkil qilishi mumkin.

Avvalroq Rim klubi unga xuddi shu muddatga, biroq 3 million maosh bilan shartnoma taklif qilgandi.

Eslatib o‘tamiz, Romanyoli 2015 yilda "Milan"ga o‘tgan edi. “Rossonerilar” libosida yetti yil davomida “Roma” tarbiyalanuvchisi 247 ta o‘yin o‘tkazib, 10 ta gol urdi.

Uning "qizil-qoralar" bilan shartnomasi shu yozda yakuniga yetadi.