"Лацио" ҳимоячи Алессио Романьолига янги шартнома таклиф қилди. Инсайдер Николо Скиранинг сўзларига кўра, Рим клуби ўзининг дастлабки таклифини яхшилаган.
"Бургутлар" энди Романьолига 2027 йилгача шартнома таклиф қилмоқда. 27 ёшли футболчининг маоши мавсумда 3,5 миллион еврони ташкил қилиши мумкин.
Аввалроқ Рим клуби унга худди шу муддатга, бироқ 3 миллион маош билан шартнома таклиф қилганди.
Эслатиб ўтамиз, Романьоли 2015 йилда "Милан"га ўтган эди. “Россонерилар” либосида етти йил давомида “Рома” тарбияланувчиси 247 та ўйин ўтказиб, 10 та гол урди.
Унинг "қизил-қоралар" билан шартномаси шу ёзда якунига етади.
