“Zenit” yarim himoyachisi Vendel Rossiyani tark etib, faoliyatini Yevropada davom ettirishi mumkin. Braziliyalik futbolchining agenti o‘z xizmatlarini "Napoli" va "Everton"ga taklif qilgan, deya xabar beradi Koluna Dofla.

Manba bergan xabarga ko‘ra, Vendel va uning oilasi Braziliyaga qaytmoqchi, futbolchiga ayni vaqtda "Flamengo"dan taklif bor. Biroq braziliyalikning agenti futbolchining Yevropada o‘ynashda davom etishini ta’kidlamoqda.

Qolaversa, Vendel vakiliga "Flamengo"ning muzokaralardagi munosabati yoqmadi. Shu munosabat bilan agent 24 yoshli futbolchiga faoliyatini Yevropada davom ettirish variantini topishga harakat qilmoqda.