Jurnalist Fabrisio Romanoning xabar berishicha, "Bolonya" himoyachisi Aaron Xiki "Brentford"ga transferini yakunlash uchun bugun Angliyaga uchadi.

Manbaga ko‘ra, 20 yoshli shotlandiyalik tez orada tibbiy ko‘rikdan o‘tadi va 2027 yilning iyun oyi oxirigacha yangi klubi bilan shartnoma imzolaydi.

Ushbu transfer "Brentford"ga bonuslarni hisobga olmaganda 22 million yevroga tushadi.

2021/22 yilgi mavsumda Xiki "Bolonya" safida 36 ta o‘yinda maydonga tushib, 5 ta gol urdi va 1 ta golli uzatmani amalga oshirdi. Transfermarkt.com portali futbolchining narxini 18 million yevroga baholamoqda.