Erling Holandning «Manchester Siti» bilan shartnomasida tovon puli mavjud. «Real» bu haqida biladi.
Marca nashrining xabar berishicha, norvegiyalikning ingliz klubi bilan bitimida ikkita tovon puli mavjud.
Dastlab 2024 yil iyul oyida Holandning tovon puli 200 million yevro bo‘ladi, 2025 yil iyul oyida esa uning tovon puli 175 million yevroga tushadi.
Angliyada bu miqdorlarning faollashtirilishi futbolchining jamoadagi ma’lum sport maqsadlariga erishishi bilan bog‘liq bo‘ladi.
«Real» rahbariyati Holandning «Manchester Siti» bilan shartnomasining ushbu tafsilotlaridan xabardor. Futbolchining vakillari tovon pulini rasmiylashtirishni talab qilgani bois, madridliklar ular bilan dastlabki muloqot bilan cheklandi.
Undan tashqari «Real» Erling qachondir Ispaniyaga yo‘l olmoqchi ekanligini biladi. Avvalroq butun diqqati Kilian Mbappega qaratilgani uchun «qaymoqranglilar» Holand bilan muzokaralarda tanaffus e’lon qilgan.
Hozirda «Real»ning asosiy maqsadi Karim Benzema bilan shartnomani uzaytirish. Undan tashqari Vinisius Junior va Rodrigolarga ham ko‘proq e’tibor berish istagida. Madridliklar Benzema yana bir necha mavsum o‘z darajasini ushlab tura oladi, deya hisoblamoqda. Undan so‘ng Holand transferi borasida bosh qotirishni boshlaydi.
