Angliyaning "Sautgempton" klubi Shotlandiyaning "Reynjers" klubi yarim himoyachisi Jo Ariboni sotib olmoqchi, deya xabar berdi The Athletic.
Glazgo klubi futbolchini 11,6 million yevrodan kamiga qo‘yib yubormaydi - bunday tovon puli shartnomada yozilgan. Nashrning yozishicha, “avliyolar” ularga pul to‘lashga tayyor. 25 yoshli Ariboning o‘zi Ralf Xayzenxyuttl jamoasiga qo‘shilishni istamoqda va u allaqachon 4 yillik shartnomani kelishib olgan.
2022 yil 18 may kuni Jo Aribo 57 daqiqada “Ayntraxt” bilan Yevropa Ligasi final o‘yinida “Reynjers”ni oldinga olib chiqdi, biroq tez orada Rafael Borre hisobni tenglashtirdi va natijada nemis klubi penaltilar seriyasida g‘alaba qozondi. Umuman olganda, 2021/22 yilgi mavsumda nigeriyalik futbolchi “Reynjers” safida barcha musobaqalarda 57 ta o‘yin o‘tkazib, 9 ta gol urdi va 10 ta golli uzatmani amalga oshirdi.
