Англиянинг "Саутгемптон" клуби Шотландиянинг "Рейнжерс" клуби ярим ҳимоячиси Жо Арибони сотиб олмоқчи, дея хабар берди The Athletic.
Глазго клуби футболчини 11,6 миллион евродан камига қўйиб юбормайди - бундай товон пули шартномада ёзилган. Нашрнинг ёзишича, “авлиёлар” уларга пул тўлашга тайёр. 25 ёшли Арибонинг ўзи Ральф Хайзенхюттл жамоасига қўшилишни истамоқда ва у аллақачон 4 йиллик шартномани келишиб олган.
2022 йил 18 май куни Жо Арибо 57 дақиқада “Айнтрахт” билан Европа Лигаси финал ўйинида “Рейнжерс”ни олдинга олиб чиқди, бироқ тез орада Рафаэл Борре ҳисобни тенглаштирди ва натижада немис клуби пенальтилар сериясида ғалаба қозонди. Умуман олганда, 2021/22 йилги мавсумда нигериялик футболчи “Рейнжерс” сафида барча мусобақаларда 57 та ўйин ўтказиб, 9 та гол урди ва 10 та голли узатмани амалга оширди.