Moliyaviy tomondan yomon ahvolga tushib qolgan "Sevilya" futbolchilarni sotishga majbur qilmoqda. Birinchi bo‘lib "Barselona" jiddiy qiziqish bildirayotgan himoyachi Jyul Kunde jamoani tark etishi mumkin.

Hozircha muzokaralar haqida rasmiy ma’lumot yo‘q bo‘lsa-da, ispan manbalariga ko‘ra, klub Kunde bilan xayrlashuv videosini allaqachon tayyor qilib bo‘lgan. Bunday videolar jamoaning yana bir qancha futbolchilari uchun ham tayyorlangan.

Kundening "Barselona"ga transferi shu haftada amalga oshishi kutilmoqda, chunki "Sevilya" yozgi transferlarni rejalashtirish uchun mablag‘ga muhtoj.

Kunde o‘tgan mavsumda La Ligada 32 ta o‘yinda maydonga tushib, 2 ta gol urdi va 1 ta golli uzatmani amalga oshirdi.