Yarim himoyachi Anxel Di Mariya 8 iyul, juma kuni “Yuventus” bilan shartnoma imzolashdan oldin tibbiy ko‘rikdan o‘tadi, deb xabar beradi Tuttosport.
Qayd etilishicha, 34 yoshli argentinalik futbolchi 1 yil muddatga shartnoma imzolaydi. Turinliklar klubi bilan 4 yillik shartnoma imzolaydigan yarim himoyachi Pol Pogba bilan tibbiy tekshiruvlar keyingi kunga belgilangan.
Di Mariya o‘tgan mavsumda "PSJ" safida 31 ta o‘yinda maydonga tushib, 5 ta gol urdi va 9 ta golga assistentlik qildi. Pogba “Manchester Yunayted” safida 27 ta o‘yinda maydonga tushib, 1 ta gol va 9 ta golli uzatmaga mualliflik qilgan.
