Ярим ҳимоячи Анхель Ди Мария 8 июль, жума куни “Ювентус” билан шартнома имзолашдан олдин тиббий кўрикдан ўтади, деб хабар беради Tuttosport.
Қайд этилишича, 34 ёшли аргентиналик футболчи 1 йил муддатга шартнома имзолайди. Туринликлар клуби билан 4 йиллик шартнома имзолайдиган ярим ҳимоячи Поль Погба билан тиббий текширувлар кейинги кунга белгиланган.
Ди Мария ўтган мавсумда "ПСЖ" сафида 31 та ўйинда майдонга тушиб, 5 та гол урди ва 9 та голга ассистентлик қилди. Погба “Манчестер Юнайтед” сафида 27 та ўйинда майдонга тушиб, 1 та гол ва 9 та голли узатмага муаллифлик қилган.
