“Manchester Siti” hujumchisi Raxim Sterling “Chelsi”ga o‘tishga yaqin turibdi, deb xabar beradi BBC.
Manba bergan xabarga ko‘ra, 27 yoshli angliyalik “shaharliklar” bilan shartnoma shartlarini kelishib olgan.
Qayd etilishicha, hujumchi London klubi bosh murabbiyi Tomas Tuxelning g‘oyalari va unga taklif etilayotgan roldan qoyil qolgan.
Shu bilan birga, Sterling "ko‘klar" uchun asosiy o‘yinchi bo‘lishni istaydi va "oltin to‘p"ni qo‘lga kiritishni maqsad qilgan.
Sterling o‘tgan mavsumda “Manchester Siti” safida barcha turnirlar doirasida 47 ta o‘yinda maydonga tushib, 17 ta gol urdi va 9 ta golli uzatmani amalga oshirdi. Hujumchining klub bilan shartnomasi 2023 yilning 30 iyuniga qadar mo‘ljallangan.
