"Bavariya" vingeri Serj Gnabriga Angliyaning uchta klubi qiziqish bildirmoqda.
Qayd etilishicha, futbolchiga "Manchester Yunayted" va "Manchester Siti" qiziqish bildirmoqda, "Arsenal" esa uning holatini kuzatib bormoqda.
Gnabrining "Bavariya" bilan shartnomasi 2023 yilning yoziga qadar amal qiladi va tomonlar hali yangi shartnoma borasida kelishib olishmagan. Qayd etilishicha, Serj myunxenliklar bilan yiliga 19 million yevrolik shartnomadan bosh tortgan. Klub taklifni ko‘tarmaydi.
26 yoshli futbolchi o‘tgan mavsumda 45 ta o‘yinda 17 ta gol urdi va 7 ta golli uzatmani amalga oshirdi.