Bekobodning “Metallurg” jamoasi yozgi transfer oynasida o‘z tarkibiga dastlabki yangi o‘yinchini qabul qilganligini ma’lum etadi. 2022 yilgi mavsumning birinchi davrasini Farg‘onaning “Neftchi” jamoasida o‘tkazgan Anvarjon G‘ofurov endilikda “Metallurg” o‘yinchisiga aylandi.
U birinchi davrada 12 ta o‘yinda maydonga tushdi va 4 marta ogohlantirildi.
Anvarjon G‘ofurov 27 yoshda. 1995 yilning 28 iyun sanasida tavallud topgan. Futbolchilik faoliyatini “Sho‘rtan” jamoasida boshlagan. “Neftchi”, “Surxon” jamoalarida o‘ynagan. Kuchlilar safida 123 ta o‘yinda, 10183 daqiqa to‘p surgan. 6 ta gol kiritgan. 29 ta sariq kartochka bilan jazolangan.
ANVARJON G‘OFUROV
27 yoshda. 1995 yilning 28 iyun sanasida tug‘ilgan.
Ampluasi – yarim himoyachi
Faoliyat yuritgan jamoalari:
2015 yil – “Sho‘rtan” (G‘uzor)
2016 – 2018 yillar – “Neftchi” (Farg‘ona)
2019-2021 yillar – “Surxon” (Termiz)
2022 yil birinchi davra – “Neftchi” (Farg‘ona)
