Jurnalist Florian Plettenbergning so‘zlariga ko‘ra, "Bavariya" yakshanba oqshomida yoki kelasi hafta boshida "Yuventus" himoyachisi Matteys de Ligt uchun taklif bilan chiqadi.
Manbaga ko‘ra, "Yuventus" 22 yoshli niderland uchun kamida 80 million yevro olmoqchi.
Qayd etilishicha, himoyachi Myunxen klubiga o‘tsa, yiliga 17-19 million yevro maosh (soliqlar bilan) olishi mumkin bo‘ladi.
De Ligt o‘tgan mavsumda turinliklar safida 42 ta o‘yinda maydonga tushib, 3 ta gol urdi va 1 ta golli uzatmani amalga oshirdi. Himoyachining klub bilan shartnomasi 2024 yilning 30 iyuniga qadar amal qiladi.
