Журналист Флориан Плеттенбергнинг сўзларига кўра, "Бавария" якшанба оқшомида ёки келаси ҳафта бошида "Ювентус" ҳимоячиси Маттейс де Лигт учун таклиф билан чиқади.
Манбага кўра, "Ювентус" 22 ёшли нидерланд учун камида 80 миллион евро олмоқчи.
Қайд этилишича, ҳимоячи Мюнхен клубига ўтса, йилига 17-19 миллион евро маош (солиқлар билан) олиши мумкин бўлади.
Де Лигт ўтган мавсумда туринликлар сафида 42 та ўйинда майдонга тушиб, 3 та гол урди ва 1 та голли узатмани амалга оширди. Ҳимоячининг клуб билан шартномаси 2024 йилнинг 30 июнига қадар амал қилади.