"Lids" hujumchisi Rafinyaning ingliz klubidagi kelajagi noaniqligicha qolmoqda. Futbolchiga "Barselona" va "Chelsi" qiziqish bildirmoqda, ammo transfer hali nihoyasiga yetmagan.
Ingliz klubi matbuot xizmati xabariga ko‘ra, Rafinya Avstraliya bo‘ylab safarda jamoa bilan birga bo‘lmaydi. Braziliyalik futbolchi Angliyada mashg‘ulot o‘tkazadi, "Lids" esa sotish bo‘yicha muzokaralar olib boradi.
Avvalroq, Rafinya "Barselona"ga ultimatum qo‘yib, Ispaniya klubiga transfer bo‘yicha qaror qabul qilish uchun 48 soat vaqt bergani xabar qilingandi.
"Chelsi" futbolchiga katta qiziqish bildirmoqda va 70 million yevrolik transferga allaqachon rozi bo‘lgan.
Rafinyaning o‘zi ham "Barselona"da bo‘lishni xohlaydi.
