Sky Germany jurnalisti Florian Plettenbergning xabar berishicha, "Fulxem" "Arsenal" darvozaboni Bernd Lenoni o‘z safiga qo‘shib olish bo‘yicha muzokaralar olib bormoqda.
Manbaga ko‘ra, "kanonirlar" 30 yoshli germaniyalik uchun 11 million yevro istamoqda. "Fulxem" futbolchi uchun bunday summani to‘lashga tayyor emas, darvozabonning o‘zi esa tomonlar kelishuvga erishib, kelishuv amalga oshishiga umid qilmoqda.
Leno "Arsenal"da 2018 yilning iyulidan beri to‘p tepadi. 2021/22 yilgi mavsumda darvozabon jamoa safida 8 o‘yinda 11 ta gol o‘tkazib yubordi va 3 ta uchrashuvda darvozasi daxlsizligini saqlab qoldi. Transfermarkt.com portali nemis futbolchisini 8,1 million yevroga baholamoqda.
